U District Magistrate jong ka West Jaintia Hills, kumjuh ruh u Deputy Commissioner jong ka East Jaintia Hills District, kila pynbna paidbah ba ha ka 15 tarik u Nailar, kan long ka sngi khang die kyiad ne Dry Day ha baroh ar tylli ki District, kane ka long shi bynta na ka jingrakhe ïa ka sngi laidluid ka ri India ne kaba la tip kum ka Independence Day.
Kumta, baroh ki dukan die kyiad kiba dei ki (IMFL) kum ki wholesaler, retailer, home delivery, ki bar, canteen, ki dukan die kyiad local (Country Spirit) bad ki outstill, kin hap ban khang khyrdep ha katei sngi ba la kdew haneng. Ia kiba ialeh pyrshah ym pynshitom katkum ki kyndon aiñ.
