Mynta ka sngi ha ka por kumba 3 baje 3 tam eiei ka Mahindra Bolero Pick Up kaba don īa u registration number ML 05 AF 2046 kaba wan na ki thaiñ Ladrymbai ka la leit ban tynrah ïa ka Truck kaba don ïa u registration number As 01 DD 3662 kaba wan na ki thaiñ Tuber ha ka shnong Wapung Skur ha ka jaka kaba tip kyrteng kum ka Kyndonso markhap bad ka shnong Mookhep ha East Jaiñtia Hills District.
Ha kane ka jingjia ym don ba mynsaw jur bad hapoh kane Bolero Pick Up kaba la leit ban tynrah ïa ka Truck ki don ar ngut katba hapoh ka Truck pat u don tang u Driver.
U Driver jong kane ka truck u la ïathuh ba ka Bolero Pick up kaba wan na ki thaiñ Ladrymbai mar sien poi ha katta ka jaka ka la leit ban tynrah syndon ïa ka Truck kaba u niah bad ki jingjulor ruh ki la kham bun kum ka jaka theh umphniang (tanky), air filter bad kiwei kiwei de.
U Driver jong kane Bolero Pic Up pat u la ïathuh ba u la wan na ki thaiñ Ladrymbai bad marsien poi ha ka jaka kaba tip kum ka Kyndonso ha Wapung Skur u la leit beit ban tynrah ïa kane ka Truck bad u la ïathuh ba ka daw ka long ba kane ka pick up kaba u niah ka btuit bad ym lah shuh ban ïakhun ïa ka kali bad ka kali kala julor bha khamtam eh ha ki bynta kiba shakhmat ki jong ka bad u nongniah jong kane ka pic up ruh u la shu mynsaw malu mala.
