Khot ka ophis u DC ïa ki samla kiba don sap tynrai ban ïoh ïa ka khusnam ba 20 hajar

U Deputy Commissioner, West Jaiñtia Hills ula pyntip ba ka tnad Director of Art & Culture, Meghalaya, ka khot aplikeshon na ka bynta ki samla kiba don ïa ka sap tynrai ha ka rwai ka siaw, ka shad, ki jingdro dur bad kiwei de ban ïoh ïa ka khusnam (Artists Award) jong u snem 2023-24, 2024-25 & 2025-26.
Ïa kane ka khusnam la ai jingkyrshan da ka North East Zone Cultural Centre, Ministry of Culture, jong ka sorkar India, Dimapur.
Kino kino ki samla kiba don ha ka rta kaba 18 haduh 30 snem (katkum ka 31 tarik u March, 2023) ki lah ban apply ïa kane ka khusnam kiba kynthup ïa ka Folk & Tribal, ki jingrwai, ka theatre, ka shad, ka jingdro dur, Wood, Cane & Bamboo crafts, Traditional Handloom & Handicraft nalor kiwei kiwei de.
Na ka bynta ka khusnam kan long Rs. 20,000/- ryngkat ka Citation bad Memento. Ki nongapply ki dei ban long ki nongshong shnong ba pura ka Ri India bad kiba dei ki trai jylla (Meghalaya), na ka bynta kito kiba ju ïoh ïa ki khusnam (State/National) kim lah ban ïoh ïa kane ka Scheme.
Kino kino kiba don ïa kitei ki sap kyrpang ki lah ban (download) ïa ka form na ka website ba pura jong ka NEZCC. Ïa ki aplikeshon ryngkat ki kot ki sla dei ban pynpoi sha ka ophis jong u Deputy Commissioner, West Jaiñtia Hills, Jowai Planning branch Room No 130 ha lane shwa ka 16 tarik Nailar, 2025.