Ka Hynniewtrep Youths’ Council (HYC), West Khasi Hills District ha ka sngi 12 u Nailar 2025 hapoh ka jingïalam u Samla Lumlang Kharsyiemlieh President bad Samla Jerimaiah Dkhar Vice President ki la ïa kynduh ïa u DC ka West Khasi Hills District bah Garod LSN Dykes hadien ka jingud ki samla pule ba kwah pule ha DIET Nongstoiñ hynrei ka Seat ka don tang 50 Seat kiba Apply pat daki palat 2000 ngut.
Ka Seng HYC ka la wan ban kyrpad ha ka burom u DC ba un sngewbha ban tuklar ïa ka jingpynbeit ïa ki Seats pule ha DIET, Nongstoiñ, baroh shi katta haduh mynta ki ïaid beit ban shim 8 ngut ha kawei ka Block na ka West Khasi Hills District na Eastern West Khasi Hills District bad na South West Khasi Hills District. Hynrei la 3 snem ka seng ka ïohi naduh ba ha West Khasi Hills District ka la don tang 5 tylli ki block hynrei ka jingpynbeit Seat ka dang neh mar kajuh ka seng ka kwah ban mih Candidate lang na baroh ki Block kiba na 9 Block na 3 tylli ki District.
Ka jingkwah jong ka seng ka long haba ha West ka lah don 5 tylli ki C&RD Block kata ka Nongstoiñ Block, Mawshynrut Block, Rambrai Block, Ri Mulliang Block bad Shahlang Block hynrei ka dei ban nang mih la ka jong, ka jong ka Block haba ki la ïoh Block la 3 snem tam kumno ka DIET Nongstoiñ kam ithuh ïa ki, khnang ba yn lah ban sei ïa ki Nonghikai da kiba naka thaiñ lajong ban kyntiew shuh shuh ïa ki jingpule ha ka Thaiñ.
Ka seng ka dawa dei ban sdang noh naduh u snem ban wan katta ha u 2026 ban pyrkhat thymmai ha ka rukom phiah List Candidates katkum ki tei ki Block namar haduh mynta ym pat ïoh ïa ka Ri Muliang, Ka Shahlang bad Rambrai Block kim pat paw ba ki don ki List Candidates watla 3 snem ki la ïoh Block.
Ha ka juh ka por ka seng ka kyrpad ruh ia u DC ban sngewbha ban ïarap lem ban upgrade ïa ka seats na ka 50 seats sha ka 100 seats ha Nongstoiñ DIET khnang ban myntoi ki Samla.
Na ka Liang u DC U lah Kular ban Shimkhia bad ban ïa kren ha ka District Level Education Committee bad ban Kyntu ïa ki bor ba dei peit katkum ka jingkyrpad ka Seng.
