Ka Assam Rifles hynne ka sngi 14th August 2025 kum ka jingpynkhreh ban rakhe ia ka sngi laitluid jong ka ri India kaba 79th, ka la rakhe burom ia u Netaji Subhash Chandra Bose, u Nongseng jong ka Indian National Army ha Auditorium Hall jong ka Assa, Rifles ha Laitkor, Shillong, ha kaba u Conrad K Sangma, Myntri Rangbah ka Meghalaya u kongsan bad u James K. Sangma u symbud kongsan.
Ia kane ka Auditorium kaba heh bad kaba itynnat “Ka Rashitriya Jagriti Santhan” la sponsored da ka PA.Sangma Foundation. Ha kane ka sngi na ka liang ka P.A. Sangma Foundation, la kren da u James K. Sangma, u khun jong u (L) P.A.Sangma.
U James K. Sangma haba kren ha kane ka sngi u pynpaw ia ka jingkmen haba u la ioh ka lad ban ia donlang bad ki Assam Rifles ban rakhe ia kane ka sngi. U Iaroh ia ka jingheh bad ia ka jingitynnat jong ka Auditorium bad u ong ba kane ka Auditorium ka long kaba heh bad kaba itynnat tam ha ka Jylla Meghalaya.
Ha kane ka sngi la ioh ruh ia ka Skit Drama shaphang ka jingim, ka jingialeh bad ka jingseng jong u Netaji Subhash Chandra Bose ia ka Indian National Army.
Ia ka Buskit bad ka jingai sngewbha ia ki nongiashim bynta ha ka Skit Drama shaphang ka jingim jong u Netaji Subhash Chandra Bose bad ha kiwei de ki items la sam da u Conrad K Sangma Myntri Rangbah ka Jylla ha ka jingsynran lang u Director General ka Assam Rifles u Lt. Gen. Vikash Lakhera, AVSM, SM, u James K. Sangma bad u Director ka Rashitriya Jagrititi Sanshan Mr. Abhaya Kashyap.
Kham ha shwa la ioh ia ka jingkren pdiang burom da u Director General u Lt. Gen. Vikash Lakhera, AVSM, SM bad ia ka vote of thank da u Director ka RJS, Mr. Abhaya Kashyap.
