Ka Khliehriat Bar Association (KBA), East Jaiñtia Hills District ka la ïoh pat sa shisien ban pynlong ïa ka General Election ban jied ïa ki nongkitkam ba thymmai na ka bynta ka samoi treikam 2025-2027 mynha kane ka sngi Balang.
Ka Muktiar Miranda S Bareh ka la shah jied kum ka President, Ka Muktiar Aida Mary Nongtdu kum ka Vice President, U Muktiar Wandajop D Sympli kum u General Secretary, Ka Muktiar Rimeca Lyngdoh kum ka Assistant General Secretary, Ka Muktiar Rimaya Mannar kum ka Finance Secretary, U Muktiar Pynshai Kupar M Dkhar kum u Publicity Secretary, Ka Muktiar Timidis Pakem kum ka Office Cum Library Secretary bad lai ngut ki Executive Member kiba kynthup ïa u Muktiar N.D Sarkar, Ka Muktiar Esther Nongtdu bad u Muktiar Ïalamiki Suchiang.
Ïa kane ka General Election jong ka Khliehriat Bar Association la pyniaid da ka Independent Election Committee hapoh ka jingïalam u Muktiar Kerlang Ksoo kum u Chairman ka Election Committee, ka Muktiar Ridein Satein Secretary bad ka Muktiar Shimnika Dkhar kum ka Member.
La pynlong ïa ka jingjied da ka jingïathep vote (Secret ballot) ha Video conference room ka District & Sessions Court building Khliehriat.
Kane ka long katkum ka kyrwoh ba la phah da u Publicity Secretary Khliehriat Bar Association, u Muktiar Pynshai Kupar M Dkhar.
