Ka Dorbar Shnong Loomkyrwiang mynta ka sngi ha ka jingiashimbynta lang ki nongshong shnong naduh ki khynnah rit haduh kiba la rangbah ki la sakhi ha ka jingpynher ia ka lama ka Ri India ha ka por dang step.
Ha ka jingialang ba lyngkot ha ka jingpyniaid u Tremiki Lywait, Asst. General Secretary, LDC la pynher ia ka lama ka Ri da u Daioolang Pakma, Asst. Waheh Shnong.
U Daioolang Pakma haba kren ha kane ka sngi um lah khlem da klet ia ki nongialeh laitluid bakhraw ka Ri, ka Jylla bad ka jaitbynriew. U la kynmaw kyrpang ia u Kiang Nangbah u khlawait ka Ri Jaintia uba la iap ha u tyllai phasi ka Sorkar Phareng ha ka 30 tarik Nohprah 1862. U la kyntu ruh ia ki nongshong shnong ban long kiba iatylli, kiba iaieid bad ban ia burom kylliang iwei ia iwei.
La pynphuh pynphieng ia kane ka sngi da ka jingiashim bynta jong ki khynnah ban pyni riam (Independence Famcy Dress) bad la ia ioh ruh ia ka jingpule ia ka Independence Day Pledge.
