Ka Meghalaya High Court mynta ka sngi ka la rakhe ia ka sngi laitluid kaba 79 jong ka ri India. Haba iasnohkti lang bad kiwei pat ban rakhe ia ka sngi laitluid kaba 79 jong ka ri India, ka High Court jong ka Meghalaya ka la rakhe ia kane ka sngi da ka jingkmen bad burom kaba khraw hapoh ka jaka treikam jong ka.
U Nongbishar Rangbah jong ka ïingbishar ba ha khliehduh jong ka jylla Meghalaya, u Justice I.P. Mukerji, u la pynher ia ka lama kar i ha ka jingiadon lang ki ophisar jong ka tnad bishar, ki nongtrei jong ka ïingbishar, bad ki riew pawkhmat.
Ha kane ka sngi rakhe ia ka sngi laitluid ka long ka jingkmen ha kaba u Chief Justice barim ka Ri India u Hon’ble Dr. Justice D.Y. Chandrachud, kum u kongsan ha ka jingiadon ryngkat lang u Justice H.S. Thangkhiew, u Justice W. Diengdoh, bad u Justice Biswadeep Bhattacharjee jong ka High Court jong ka jylla.
Haba ai jingkren ha kane ka sngi na ka liang u nongbishar rangbah Justice I.P. U Mukerji u la ïaroh ïa ki jingtei jong ka ïingbishar, ki sawdong sawkun jong ka mariang, bad ka jingtreikam jong ki nongtrei jong ka. U la kdew ruh ia ka jinglah ban pynroi shuh shuh ia ka tnad bishar ha ka jylla bad u la pynskhem ia ka jingangnud jong u na ka bynta ka jingbha jingmiat jong ki paidbah ha ka jingbishar.
Na ka liang u nongbishar barim ka ri India u Dr. Justice D.Y. Chandrachud haba ai jingkren kum u kongsan u la ai ka jingkren kaba pynpyrkhat ia ka jingmut kaba kham jylliew jong ka jinglaitluid. “Ka jinglaitluid kam mut tang ka jinglaitluid na ka jingsynshar phareng, hynrei ka jinglaitluid jong ka jingmut jingpyrkhat bad ka mynsiem,” u la ong.
U la kdew ia ka jingkiew kaba ka India ka la leh ha kine ki 75 snem ba la dep, khamtam ha ki bynta kum ka pule puthi, ki jingtei, bad ka jinglah ban pyndap ia lade ha ka bam, da kaba kdew ia ka jingbha jong ka jingpyniasoh surok hapdeng ka Guwahati bad Shillong kum ka dak jong ka roi ka par.
U Justice Chandrachud u la khot ruh ïa ka jingpyrkhat halor ka jingdonkam ban pynroi ïa ka mynsiem seng kam seng jam hapdeng ki samla jong ka ri India, da kaba ong, “Ka lawei jong ka ri India ka shong ha kaba pynlaitluid ïa ka bor jong ki samla jong ka bad pynkylla ïa ka sha ka jingpynshlur ïalade.” U la kyntu ïa ki nongshong shnong kiba dang samla ban ïada ïa ka jingpher jong ka jaitbynriew bad ban bat ïa ki jinglong jong ka jingïatylli.
U la iaroh ia ka High Court jong ka Meghalaya halor ka bynta ba kongsan jong ka ban pynneh ia ka synshar khadar, ym tang hapoh ka jylla hynrei kum shi bynta jong ka tnad bishar jong ka ri India kaba kham heh.
U la bynrap “Ka High Court ka dei ka nongap jong ka jingsynshar, ka jingkieng hapdeng ki nongshong shnong bad ka aiñ, khamtam ha ka jylla kaba riewspah ha ka kolshor kum ka Meghalaya,”
u la ban jur ba ki nongbishar, ki don ka bynta kaba kongsan ha kaba pynkoit ia ki jingmynsaw ha ka imlang sahlang lyngba ka jingsngap kaba sngewrit bad ka jingbishar kaba hok. “Teng teng, tang ban ai ia u nongshong shnong ia ka jingsngap kaba sbun ka dei ka kam ban pynkoit”.
