Ka St.Francis D.Assisi Higher Secondary School, Mawkasiang kala pynlong iaka jingrakhe ia ka sngi laitluid ha kaba u CEM barim jong ka KHADC u Bah Pyniaid Sing Syiem u la long u Kongsan ban kyntiew iaka Lama ka ri ha ryngkat ka jingdonlang u Principal jong ka skul i Brother. Vinod Joseph, u Vice Principal, ki nonghikai, ki khynnah skul, ki kmie ki kpa jong ki khynnah skul bad ki nongialam jongka shnong Mawkasiang.
Ha kane ka sngi na ka liang ki khynnah skul ki la pynshohbiej ia ki kmie ki kpa da ka jingrwai ki jingshad bad ka jingak drama lyngkot da ki khynnah skul shaphang ka jingshah hiar thma ha ki lehnoh Pahalgam.
Haba ai jingkren ha kane ka sngi na ka liang u kongsan Bah Pyniaid Sing Syiem u la kyntu ia ki khynnah skul ba ki dei ban don ki jingialeh bad ka thong haka jingim da kaba ai nuksa ruh iaki riewshlur bad riewialeh kiba la len ialade ban pynlaitluid iaka ri na ka kti jongki sahep phareng.
Nalor kata u la kyntu ia ki khynnah skul ha ka jingim dei ban don ka jingialeh kaba neh shitrhem namar kiei kiei baroh ngin ym lah ban jop lane ioh tang mar synialeh ne pan hynrei ngi hap ban trei shitom, iaishah bad aiti lade kumba long ki riewkhraw jong ka ri khnang ba ngin poi bad jop ia ka thong ne ban long ki riewkhraw ha ka jingim.
