Ha ka sngi rakhe ia ka sngi ioh laitluid ba 79 jong ka ri India, ha madan Jrisaleiñ, Jowai la wan ban iashim bynta haduh 33 tylli ki kynhun bad la wan ban pynher ia ka lama ka ri bad shim ia ka Rastriya Salute da u Myntri ka tnat Revenue & Disaster Minister u ma Kyrmen Shylla.
Ki kynhun kiba iashim bynta ki kynthup ia District Police, Jowai, Kiang Nangbah Govt. College, SDSW, NCC Cadets, ka 61 Megh.Girls Battalion JW Government Girls, ka 42 Meghalaya Battalion JDJW NCC, Jowai, ka Meghalaya Bharat Scout, West Jaintia Hills District, ka Meghalaya Bharat Guide, West Jaintia Hills District bad 27 schools.
Ki kynhun March Past kiba la jop ki kynthup ia ka Police Public Secondary School, Jowai kaba la ioh ia ka nam ba nyngkong, ka PM SHRI School, JNV, Mukhla ka la ioh ia ka nam kaba ar bad ka St, Mary Mazzarello Higher Secondary School, Jowai kala wan ha ka kyndan kaba lai.
Ha kane jingrakhe sngi laitluid kala don ruh ka jingsam khusnam ia ki jaka sumar kiba la trei shitom ban pyniaid ia ka skhim MHIS-PMJAY Phase 6, ia kaba la sdang naduh ka 1st January haduh 30th June, 2025. Kiba la ioh ia ka khusnam ki kynthup ia ka Nartiang PHC ha ka kyrdan PHC, ka Ummulong CHC ha ka kyrdan CHC, ka Jowai Civil Hospital ha ka kyrdan District Hospital bad ka Woodland WK Hospital na ka kyrdan jong ki Private Hospital.
La sam khusnam ruh ia ki skul kiba jop ha ka District Olympiad ba la pyniakhun ha ka subject Mathematics, Science bad Knowledge.
Ha kane ka jingrakhe la ioh ruh ia ka jingpyni ia ki jingshad bad jingrwai tynrai bad ieit ri, kala don ruh ka jingpyniakhun ia ka Final jong ka Independence Day Cup Under-17 Football Tournament ha Kiang Nangbah Stadium, Dongmihsngi, Jowai.
Ha Shangpung Laskein C&RD ruh la rakhe ia kane ka sngi ha madan ialehkai Hula Moosyiem, Shangpung ha kaba ka kong Santa Mary Shylla, MLA kala pynher ia ka lama ka ri bad shim ia ka Salute jong ki 20 tylli ki kynhun March Past.
Ka Shangpung Presbyterian Higher Secondary School kala ioh ia ka 1st Price, ka Khliehmuchut Presbyterian UP School ia ka 2nd Price ba ka Dolini Chullet Memorial Secondary School ia ka 3rd Price. Ka la don ruh ka jingpyni ia ki shad ki rwai tynrai ba la iashim bynta da ki khynnah skul bapher bapher.
