– Da ka Wickliffe Futsal Cup & Academic Award pynlong ha Resilient Arena Aawlai Umjaïur –
Ka HYC Mawlai Umjaïur Unit hapoh ka jingïalam u Bah T. Nongrem, President ka Unit bad F. Marweiñ General Secretary ki la ïoh ban pynlong ïa ka jingrakhe lehkmen sngi WICKLIFFE SYIEM da ka One Day Futsal Tournament kumjuh ka jingpynkup burom WICKLIFFE SYIEM ACADEMIC AWARD ïa arngut ki samla kiba la pass bha ha ka SSLC examination 2025.
Ha kane ka sngi plie pyrda, u samla Enlang Sawïan, Education Secretary ka CEC u la long u Kongsan ha ka jingdon ryngkat lang u Bah Donboklang Kharlyngdoh President bad ki nongkitkam ka HYC Mawlai Circle.
Ki la don 8 tylli ki team napoh ka shnong Umjaïur ba ïashim bynta ha kane ka WICKLIFFE FUTSAL CUP, Ïa ka nam lahduh mynta u snem la rah da ka KIDO FC kaba la jop da 3 kol la 2 kol pyrshah ïa ka KITBOK FC.
Ka KIDO FC kum ka Championship ka la ïoh ban rah ïa ka song pisa ba Rs.20,000/- ki medal, certificate & Trophy, katba ka KITBOK FC ka la ïoh ïa ka song pisa ba Rs.10,000/- ha ryngkat ki medal, certificate & Trophy.
Ïa ka jingpynkup burom sha ki samla pule bad ka jingsam ïa ka khusnam ha kane ka sngi la sam da u Twol Nongrem, Enlang Sawïan bad Donboklang Kharlyngdoh.
