Ka Addl. Deputy Commissioner, Pynursla Civil Sub Division, Pynursla kong E.L. Warjri, MCS kala pynmih ia ka jingpyntip paidbah ba ka don ka jingpynkylla khyndiat ia ka jingpynbna paidbah bala dep pynmih ha ka 18 tarik u Naitung, 2025, ha kaba iadei bad ka jingkhang surok ba manla ka sngi ha shilynter jong ka surok hapdeng ka Laitlyngkot bad Lyngkyrdem (Chainage Kms 24+00-37+00), da kane la pyntip ia baroh ki paidbah bad ki nongleit nongwan ba ka jingkhang kan neh kumjuh ha ryngkat bad ka jingpynkylla khyndiat ia ki por khang ki ban long kumne, mynsngi naduh 12 haduh 4 baje janmiet. Ha ka por mynmiet pat kan long naduh 9 pm haduh 4 am.
Kane ka jingkhang kaba mynta kan long kaba shipor bad kaba manla ka sngi kaban treikam naduh ka lashai ka sngi, kata naduh ka 20 haduh ka 31 tarik u Nailar, 2025. Ka jingpynbna kaba bud yn pyntip hadien ynda la ioh ia ka jingpeitbniah biang bad lada don ka jingdonkam ha kaba ka por khang yn sa kham pynlyngkot shuh shuh ban kham pyllait ia ka jingeh jong ki nongleit nongwan.
La kyntu jur shuh shuh ia ki nongleit nongwan ba kin long kiba husiar haba ki iaid lyngba kane ka bynta jong ka surok bad ba kin kiar na ka leit ka wan kaba ym da donkam than ha ka por bajur u slap ne hadien ka jingjur slap bad kumjuh ruh ha ka por mynmiet.
