Ka kong Basicdora Thubru Vice President ha ryngkat ki dkhot ka All Jaiñtia Muster Roll Workers & Labour Union (seiñ bei) Jwai, kila pynlong ia ka jingkynshew pisa kaba la mih Rs.2000/- tyngka bad ia kane ka pisa la leit ban aiti ha u Ma Khroo L Pariat, President ka Khooid Ya Ka Wah Myntdu, halor ka jingkyrshan ia ka jingiakhun ban ioh ia ka jingbishar kaba hok na ka NGT Principal Bench New Delhi halor ka wah Myntdu.
Ka mukot duma ka long halor ban pynioh ia ka jingiada ia ka wah Myntdu ban ioh pynbiang Um kaba biang, ka Lyer ba pynngad ia ki nongshong shnong kiba duk ba kyrduh kiba shaniah um ha kane ka wah, kiba kynthup ia ka shnong Mihmyntdu haduh ha Jowai bad kiwei kiwei kiba shaniah umdih ruh na ka PHE.
Na ka liang ka seng ka buh ka jingkyntu ia baroh ki nongshong shnong ban long kiba ia ryntih lang ban iakhun ha ka ban pynim ia ki um ki wah naduh ka Myntdu, ka Kupli, ka Umngot, ka Myntang bad ka wah Lukha.
Kane ka long katkum ka khubor ba la pyllait da ka kong Dayoowanphi Iakai, General Secretary
All Jaiñtia Muster roll Workers & Labour Union (CEC) Jowai.
