Mynta ka sngi ka 19 Kyllalyngkot kaba dei ka sngi long iew Bakur, ki khun samla jong ka shnong Bakur bad ka Bakur Social Cultural Footbal Club ha ryngkat ka jingsnoh kti lang ki Police naka Dawki PS ki la pynlong ia ka jingsam mask ei sha ki ki briew nong leit iew-leit hat bad sha ki nongshong basa iew.
Ia kane ka jingsam mask la pynlong kum ka dak ban pynkynmaw ia ki briew nong shong shnong bad ki nong leit iew leit hat ba kin long ki ba phikir namar ka klam ka la sdang ban kiew biang bad ka jingpur ka jong ka la long ka ba jur ha kaba ka la ktah jur ia kiba bun ki ri bad ka jylla ka la sakhi ruh ba ki briew ba ioh bit iakane ka jingpang ka la nangkiew.
Kumta la kyntu bad la pynshlur ia baroh ba kin bud ryntih ia ki kyndon ba la buh daka sorkar bad ba kin pyndonkam ia ki mask barabor haba ki mih na ki iing ki sem jong ki.
Ki khun samla ka shnong bad ka club ki kyntu ruh ia ki nongshong shnong ba kin ai ia ki tika da ka mon kylluid bad ba kin iatreilang bad ki bor jong ka sorkar khnang ban lah ban iada na une u khlam, pynkut ka khubor ba la phah da u President ka BSCFC.
