Ka ïing kashari jong ka kong P. Syngkon Special Judge, POCSO, West Jaiñtia Hills Distict, Jowai, ha ka 18 tarik u Nailar, 2025 kala rai pynrem ïa u Heingaid Bareh, u khun jong ka Mitis Bareh na Mowbhar (Mowjem), ba don hajan ka Shnong Moolaber, hapoh ka kyndon Section-3 (a) jong ka POCSO Act, da kaba rai pynshitom ïa u hapoh ka kyndon Section-4 jong ka aiñ POCSO Act, 2012.
Katkum ka Ejahar bala ujor naduh ka 07.11.2017 da kiba haïing la ïathuh ba ha ka 06.11.2017 haka por kumba 2:30 janmiet, ka khun kynthei jong ki kaba dang 11 snem ka rta kala shah leh beijot ha utei u runar u Heingaid Bareh, katba ma ka bad ka paralok jong ka ki dang leit khar dieng sha khlaw. Hadien ka jinglynñiar jingïarap une u runar ula phet na katei ka jaka ha kata ka por.
Ïa kane ka kam runar jong u Heingaid Bareh la register kes ha Jowai P.S. katkum ka Case No. 192(11)17 U/S 4 POCSO Act bad ïa ka jingtohkit la shimti da ka WPSI kong R. M. Suchiang.
Haba pynkut ïa ka jingbishar ïa utei u Heingaid Bareh la rai pynrem noh da ka ïingkhashari da kaba rai set phatok haduh 20 snem ryngkat ka jingshah daiñ kuna kaba Rs.30,000/- tyngka.
