Ka ophis u Deputy Commissioner, ka East Jaintia Hills District ka la pynlong ïa ka jingïalang jong ka District Planning and Development Council (DPDC), kaba la pynlong ha ka 20 tarik Nailur ha NIC Conference Hall, Khliehriat.
Ia ka jingïalang la lamkhmat da ka kong Santa Mary Shylla, MLA Sutnga-Saipung kaba long ka Chairperson jong ka Assembly Committee halor ka Women Empowerment. La donlang ruh u Deputy Commissioner, u Shivansh Awasthi, IAS, ka MDC kong Violet Lyngdoh, u ADC bad Member Secretary jong ka DPDC, u S R Marak, lem bad ki ophisar na ki tnat sorkar bapher bapher.
Ki tnat sorkar ki la ai da ka PowerPoint Presentation halor ka jingïaid beit ka physical bad financial progress jong ki skhim sorkar jylla bad sorkar pdeng. La ïakren ruh halor ki jingeh ha ka jingpyntrei kam ïa ki skhim bad ki lad ki lynti ban pynbha ïa ka jingpyntreikam ïa ki.
Ki tnat treikam ba kongsan ki kynthup ïa ka PHE, PWD, Health, Agriculture, Education, Tourism bad kiwei. Ki skhim ba la bishar ki long kum ka MNREGS, PMAY-G, JJM, CM-SMS, PMJAY, SSA bad ka PM Vishwakarma bad kiwei de.
Ha kaba kut jong ka jingïalang, ka kong Shylla ka la ai khublei ïa ki tnat sorkar baroh kiba la shim bynta bad ka la kular ruh ban ai ka jingkyrshan kaba pura na ka bynta ban pyntrei kam hok bad pynïaid bha ïa ki projek pyntrei kam khnang ba ki kam pynroi hapoh ka District kin kiew shaphrang.
