Mynta ka sngi ngi ka Jaintia Student Union (JSU), Seng Kmie ha ka jingialam u Neilkee Mukhim General Secretary bad u Vice President u Ryngkatshanbor Diengdoh, ki la leit ban kynduh ia u DC jong ka West Jaintia ba dei u Chairman jong ka District Selection Committee (DSC) jong ka West Jaintia Hills, halor ka jingiadei bad ki tarik written exam jong ka DSC halor ka nongrim ba ki tarik ki iatyngkhuh bad ka Exam jong ka MPSC.
Kane ka dei ka sien ba ar ba ka seng ka la leit halor kane ka jingiakren ba la pan por u DC kum u Chairman, mynta ka sngi u la ai jubab ba hadien bala bishar bniah ym lah shuh ban pynkynriah ia kine ki tarik bala buh bad u la ong ruh ba kum u Chairman u lah pyntip ia ka MPSC halor kine ki tarik hynrei naka liang jong ka MPSC kam shim la shimkhia ia ki tarik khamtam ha ka jingiadei bad ka Post Junior Co-operative Officer ka ban long haka 6/9/2025 bad kane ka juh ka sngi ka DSC ruh ka don ka written exam jong ka Gram Sevak supervisor, ka JSU ka pynpaw ka jingsngewkhia halor ka jingiatyngkhuh tarik namar kane ka pynduh nong ia ki nong ialeh ia kane ka exam.
