Ka ïing kashari jong ka kong P. Syngkon, Special Judge (POCSO), West Jaiñtia Hills District, Jowai ha kane ka 20 tarik u Nailar kala rai pynrem ïa u Passti Latam, 20 snem ka rta, u khun jong u Mislin Lamurong uba shong ba sah haka shnong Myntriang hapoh ka kyndon 5 (g)/6 jong ka POCSO bad 448 IPC.
Kane ka mukotduma kala sdang hadien ka jingujor Ejahar (FIR) haka 14.04.2021 da ka kong Isynei Paslein ka khun kynthei jong ka kong Nol Paslein kaba shong ba sah ha ka shnong Myntriang, kaba la pyntip ba ha ka 12.03.2021, u Passti Latam ryngkat bad uwei pat ki la rung jubor ha ïing jong ka haka por ba ka khlem don ha ïing.
Ïa ki khynnah kiba don lang hapoh katei ka ïing ki la shah beh noh katba ïa ka khun jong ka, kaba dang 16 snem ka rta kala shah leh beijot ha utei u Passti Latam. Ïa kane ka kes la register ha Jowai P.S. Case No. 43(4)2021 U/S 447 IPC r/w 5(g)/6 POCSO Act bad ïaka jigtohkit la shimti da ka WPSI kong N. P. S. Marak.
Hadien ba la pynkut ïa ka jingshimbishar, ka Kashari kala rai pynrem ïa u Passti Latam da kaba set phatok 23 snem ryngkat bad ka jingshah daiñ kuna kaba Rs. 51,000/- tyngka.
