Dang shen u Bah Paul Lyngdoh, Myntri ba khmih ia ka tnad jngohkai pyrthei u la pynbna paidbah ba hapoh u Naiwieng 2025, ka Sorkar kan weng noh plain ia baroh ki nongshong die madan kiba kynthup ha Laitumkhrah, Civil Hospital, Kashari bad Motphran. Kane ka jingpynbna ka la pynlong ia ka Myntri kaba dei ruh ka MLA na Laitumkhrah Constituency ban pynpaw ia ka jingsngewkhia na ka bynta ki nongshong madan khamtam ia ki paidbah kiba don hapoh ka constituency namar kane ka rai ka long kaba khia bad kaba donkam hynrei kaba ktah pat ia kiba la im ja na kaba shong die madan.
Ka Myntri ka la iathuh ba ka jingong jong u Bah Paul ka long kaba shisha bad kaba kongsan hynrei ia kane ka mat dei ban da khmih sani namar ka long kaba kham kyllaiñ bad kaba ktah ia kiba bun. “Ngi lah ban kylli kumno? Balei? bad lano? Haei? Hynrei ngi dei ban iaishah namar ka Dorbar Shnong ruh ka dang khmih ia kane ka mat” ong ka Kong Ampareen.
Wat la kane ka rai ka long ka jingthmu ban pynitynnad ia ki jaka sor, ka Kong Ampareen ka la ong ba Sorkar ka don ia ka jingthmu kaba bha hynrei ka dei ban khmih bha namar kane ka kam kadei kaba dei thik-pa thik ia ka jingim briew “Ngam lah ban leh ia kane marwei, nga donkam ia ka jingiashim bynta lang jong ki paidbah. Nga ngeit ba ngin iohi ia ka Laitumkhrah kum ka 9-Lad” pynpaw ka Myntri ryngkat ka jingsngewkhia.
