Ki nongialam jong ka Pnar Student Movement (PSM) Central Body, ha ka 22.08.2025, ki la hiar sha East Jaiñtia Hills, ban pynkha bad pynskhem ia ka shnat treikam jong ka seng PSM kaba la tip kum ka Khliehriat Circle. Ia kane ka jingpynkha ia ka shnat treikam jong ka PSM, la pynlong ha Khliehriat West Community Hall.
Ha kane ka sngi ia ka jingialang la pyniaid da u General Secretary ka PSM Central Body ha ka jingiadonlang u President Central Body u Embhah Pasah. Ha kane ka jingpynkha ia kane ka shnat treikam la ioh ia ka jingduwai na u PK Lyngkot bad ka jingkren lyngkot na u Kular Skhem Sariang Working President ka seng Central Body.
Ha kane ka sngi la ioh ban pyntian smai ia ki dkhot ka PSM Khliehriat Circle, da u President Central Body. Ha shwa ban pynsmai ia ki dkhot ka Khliehriat Circle laioh ka jingkren lyngkot na u President Central Body. Ha ka jingkren u President u la kyrkhu kyrdoh ia ki nongkitkam jong ka seng ki ba pyniasoh sha ka seng bad ruh u la ong, ba kum ki khun samla ha ba trei ia ka imlang sahlang ha kam ia kit ia bah ia ka jaitbynriew, ngin hap mad shibun ki jingeh hynrei ai ba kita ki jingeh kin long ki mawjam ia ka lawei ka jait bynriew.
Hadien ka jingkren lyngkot la pyntian smai ia dkhot da u President ia ki dkhot jong ka Khliehriat Circle kiba kynthup, ia u President Bestly Dkhar, Vice President Jesper Lyngdoh, Secretary Heipormi Sayoo, Assistant Secretary Andreas Rymbai, Finance Klosming Rymbai, Assistant Finance Angelo Dkhar, Organizing Secretary Spelling Dkhar, Sport Secretary Ammy Susngi, Assistant Sports Secretary Miky Siangshai, Cultural Secretary Early Bamon, lem bad ki 21 ngut ki dkhot ka Executive Committee.
