U Bah Metbah Lyngdoh uba dei u President Rangbah Nongïalam jong Ka United Democratic Party (UDP) ha ryngkat u Bah Titoswell Chyne General Secretary ki la Ïoh ban wan pynskhem ïa ki nongkitkam ba thymmai jong ka United Democratic Party South West Khasi Hills District kaba la long mynta ka sngi ka 23 tarik u bnai Nailar 2025 ha ka Dorbar Hall Mawkyrwat.
Ki Nongkitkam ba thymmai jong ka UDP South West Khasi Hills ki long u Bah Pius Marweiñ kum u President bad u bah Jeslanroy Nongsiej kum u Secratary ha ryngkat kiwei de ki dkhot ha kaba u Bah Metbah Lyngdoh u la shim ïa ka bynta ban pynskhem ïa baroh ki nongkitkam ba thymmai jong kane ka distrik kaba kynthup ïa ka Youths’ Wing, Women’s wing bad ka Farmers’ Wing.
Ha kane ka sngi la ïadonlang u Bah Renikton L.Tongkhar MLA ka Mawkyrwat Constituency, Bah Pius Marweiñ, MLA/MDC Bah Robertjune Kharjahrin bad kiwei de ki nongïalam ba ha khmat jong ka party UDP bad ki riew paidbah.
U Bah Metbah Lyngdoh ula pynpaw ïa ka jingsngew kmen haba ïohi ïa ki nong ïalam jong ka party ha South West Khasi Hills da ka jingsngew shngaiñ ka mynsiem ba ki don ïa ar ngut ki MLA na ka party UDP kata u Bah Renikton L.Tongkhar bad Bah Pius Marweiñ ki riew rangbah bad ki paidbah kiba dang don ïa ka nongrim ba skhem ha ka Party UDP kaba dei ka Party Riewlum bad ngeit skhem ba kane ka tnad treikam ba thymmai kan nang lehbha shuh shuh ha kine ki snem ba dang wan ban pynkhlaiñ shuh shuh ia ka Party UDP.
Ha kane ka sngi la ïoh ruh ka jing kren na u bah Titoswell Chyne bad na u bah Pius Marweiñ u ba long u President ba thymmai jong ka party UDP South West Khasi Hills District.
