Ka Dorbar Shnong Wahthapbru mynta ka sngi ka 23 tarik Nailar 2025 ka la pynpra noh ia ki dukan kiba shong die madan ha Motphran kiba dang hap ha ka ka jingpeit jong ka dobar shnong Wahthapbru.
ka rukom shna dukan ki nongshong die madan ka ailad ia kiba leh kam sniew ban shim kabu ban ia die ia thied drok ne ban dih drok.
Haba kren sha ki lad pathai khubor na ka liang u Rangbah Shnong ka Wahthapbru u Bah Jopmiki Rymbai u la ong ba kane ka jingpynpra ia kine ki dukan ym dei ba ki weng noh ia kine kiba shong die dukan ha rud surok ha Motphran hynrei ka dei beit tang ban pynpra ban pynkhuid bad ban phah shna noh da ki wei ki dukan kiba lah ban siang mynstep bad lum ynda la miet khnang ba kan long kaba ia khuid bad kylluid namar lada pynieng rynsan kumne kin bun kiba shim kabu khamtam kiba dih drok.
Shuh shuh u la ong ba ka dorbar Shnong Wahthapbru kan sa iakren bad ka DC bad shim ka rai ban phah shong da ka por namar ha kane ka jaka la jan 24 kynta ki dukan ki plie bad ym ithuh ithaw shuh ba la jyllei ka jingsniew ha Motphran.
Nalor kata u la pyntip ruh ba ki dukan ha kitei ki jaka ki don kumba 60 tylli bad mynta ki poi sha ka 80 tam namar ki don kiba shim kabu bad aiwai sha kiwei ki briew ban shong dukan ha kitei ki jaka.
Na ka liang ka Dorbar Shnong kan sa shim da ki sienjam kiba tyngeh ia kine ki briew kiba ai wai ia kine ki dukan.
