Katkum ka khubor Pulit ba la phah la iathuh ba ha ka 18 tarik mynta u bnai ki Pulit jong ka Mairang Police Station kila ioh ia ka jingujor ba kawei ka thei samla kaba la tip kyrteng ka Ribaiahun Marngar, 17 snem ka rta na ka shnong Permadan, Eastern West Khasi Hills District kala jah naduh ka 15 tarik mynta u bnai ha ka por 10:00 AM na ka dukan kaba ka shong die hapoh shnong hi.
Kala don ka jingsuba ba ia katei ka theilud la rahbor da u Thomborlang Sohphoh uba na ka shnong Umdum bad haduh mynta ym pat lap dien satia shano ki don.
Na ka liang ki bor Pulit ki dang trei shitom ban thwet jur khnang ban lap dien ia katei ka khynnah samla. Ha ka jingiadei bad kane la register Case ha Mairang PS katkum ka Case No 81(8)2025 u/s 137(1)(b)(2) BHARATIYA NYAYA SANHITA (BNS), 2023 bad ka jingtohkit ka dang iaid sha khmat.
Katei ka theilud ka don ia ka jingjrong kaba 5 phut ei ei, u shñiuh ba iong bad jrong, la iohi khadduh ia ka ba ka phong da ka blouse rong lieh ba don thoh khlur iong, ka Jaiñkyrshah rong bthuh ba thoh laiñ lieh bad ka patlun.
Kumta la kyrpad ia kino kino kiba iohi ne don jingtip shaphang jong ka ba kin pyntip da kaba phone ha u number 6009308959, yn buhrieh ia ka kyrteng jong kino kino kiba ai jingtip, la ong ka khubor Pulit.
