Ha ka jingïadei bad ka RTI kaba u Bah Reachingson Siangshai u lah dep ban wan buh ha ka office u DC ka EJHD katta ha ka 9 tarik u bnai july 2025 ha ka jingïadei bad ka DSC kaba lah dep ban pynlong hapoh ka District.
U bah Siangshai ha ka 26 tarik u bnai Nailar 2025 u la wan pat ban buh da ka jingthoh sha u Public Information Officer (PIO) ka EJHD ha ka jingïadei pat na ka jing slem ka office u DC ka EJHD ban ai ïa ka jubab lyngba ka RTI kaba u Bah Siangshai u lah dep ban buh naduh u bnai July 2025 kata ha ka 9 tarik.
Ha ka dorkhas kaba u Bah Siangshai u lah dep ban buh u la ong ruh ba u DC uba long u Chairman jong ka DSC katkum ka aiñ jong ka RTI un ym lah satia ban ai ïa ka jubab ba la pan.
Shuh shuh u Bah Siangshai u la ong ba na ka jingïoh ka jong u ïa ka jubab lyngba ka RTI ha kaba u la dep ban leit peit ïa ki kot ki sla la ki biang ne em, hynrei ïa kane ruh kam pat pynhun ïa u katkum ka jubab kaba u kwah ban ïoh.
Haba kren sha ki lad pathai khubor u Bah Siangshai u la ong ruh ba ka post kaba sah teng naduh u snem 2019 bad ki pynmih noh ïa ka notification ha ka 25 tarik u bnai August 2025 ban leh ïa ka interview ka lah ruh ban long ha ka jingïadei na ka jingwad ka jong u ïa ka RTI ban ïoh ïa ka jubab kaba shai ha ka jingïadei bad ka rukom thep kam thep jam hapoh ka District.
