Ka khubor Pulit kaba la ioh la iathuh ba ka 25.08.2025, ka ïing bishar jong u Shri N. A. Khan District & Sessions Judge, Jowai, kala rai pynrem ia u Weslyborn Pala ia uba la ju khot sin u Nana Pala na ka shnong Barato hapoh ka kyndon (Section) 302 IPC halor ka jingdonkti jong u ha ka kam pyniap briew.
Ia kane ka case la buh FIR ha ka 07.08.2009 da ka kong Eragina Timung, kaba dei ka khun jong utei u ba la shah pyniap, ha Nartiang Police Investigating Centre (PIC). Katkum ka FIR la iathuh ba ha ka miet jong ka 06.08.2009, ha ka por kumba 8:00 PM ei ei, u Wesly Pala ula pyniap dusmon ia u Bransely Suiai da kaba pom da ka wait kat haduh ba u la khlad noh shisyndon ha kajuh ka jaka.
La register ia ka Case katkum ka Jowai P.S. Case No. 111(8)09 U/S 302 IPC bad la pynlong ia ka jingtohkit bad Charge Sheeted da u SI W. Vaichei.
Haba pynkut ia ka jingshong bishar ia kane ka case ka ïingbishar kala lap ia ka jingdonkti jong u Weslyborn Pala kumta kala rai ban set along shi jingim ia u ryngkat bad ka kuna kaba Rs.5,000/- (San hajar) tyngka.
