Ki MDC ka Voice of the People Party (VPP) jong ka JHADC mynta ka sngi Palei hapoh ka jingïalam u ma Awhai Andrew Shullai kila leit ban kynduh ïa u Deputy Commissioner ka West Jaiñtia Hills uba dei ruh u Chairman jong ka District Selection Committee (DSC) ka West Jaiñtia, ban dawa pynkynriah ia ka Written Exam jong ka DSC namar ba ka iatyngkhuh ha ka juh ka sngi bad ka Exam MPSC kaba la buh ban pynlong ha ka 13.09.2025.
Katkum ka Memorandum ba la ai na ka liang ki MDC ka VPP kila pynsngew ha u DC ba bun ki samla wad kam ki thep kam ha baroh ar tylli kata ka DSC bad MPSC, hynrei kane ka jingthoh Examin kala hap ha kajuh ka ka sngi bad ha kajuh ka por.
Na ka liang ki MDC kila kyntu jur ia u DC ban pynkynriah ia ka tarik Exam jong ka DSC namar bun ki samla kiba iathep kam ha baroh ar tylli ki jingialeh examin. Ki la ban jur ia u DC uba long u Chairman ka DSC ba un shimkhiah ha ka ban pynkynriah tarik ia ka Written Examination jong ka DSC. Ha ka juh ka por na ka liang ki MDC kila kyntu ia u DC ba kam dei shuh ban jia nangne sha khmat ba ki written examination jong ka DSC bad MPSC kin iahap ha ka juh ka sngi bad ha ka juh ka por.
La ong ruh ba kane ka jingbuh sngi ban ialeh examination ha ka juh ka sngi bad ha ka juh ka por ka khanglad ia ki samla wad kam. Lada ka long kumne ka pynpaw ba ka don kaei re kaei kaba sha lyndet na ka liang ki nongpyniaid ia kine ki ar tylli ki Written Examination (DSC/MPSC) pynkut ka Memorandum ba la aiti ha u DC mynta ka sngi.
