U Superintendent of Police, East Jaintia Hills Khliehriat mynta ka sngi, u la pyntip ba ha ka 17 tarik mynta u bnai ha ka por kumba 1:00 PM kila ioh ia ka jingpyntip na u Waheh Shnong jong ka Khliehriat East ba katto katne na ki nongshong shnong ki la lap ia kawei ka met iap kaba la pyut kaba la per ha sla um ha kawei na ki krem kaba don hajan jong ka Indian Petrol Pump, Khliehriat East hadien jong ka SS Motor Shop.
Ki Pulit hapoh ka jingialam jong u SI ASR Lakiang kila leit sha katei ka jaka ban pynlong ia ka jingtohkit bad la khwai ia katei ak met iap. Hadien ba la dep ban leh ia kaba donkam hakhmat ki sakhi satar, na ka liang ki Pulit kila leit buh ia katei ka metiap sha Khliehriat CHC ban pynlong ia ka Post Mortem ban lap ia ka jingshisha halor ka jingjia.
Ha ka jingtohkit jong k Pulit la lap ba ym don mano mano na ki nongshong shnong kiba tip ne ithuh ia kane ka met iap bad ym lah ruh ban tip ia ka daw jong ka jingiap. Ka jingtohkit na ki Pulit ka dang iaid shakhmat.
