Ka District Legal Services Authority (DLSA), West Jaintia Hills District kala pynlong ïa ka Legal Literacy Class halor ka Protection of Children from Sexual Offences (POCSO) Act, 2012 ha Jawahar Navodaya Vidyalaya (JNV), Mukhla ha ka 28 Nailar 2025.
Ka thong jong kane ka prokram ka long ban pynsngewthuh ïa ki khynnah skul shaphang ki hok ki khynnah, ka jingshah sumar bad ki lad ai jingsumar da ka aiñ. Ka kong D. G. Kharshiing, Secretary, DLSA, West Jaintia Hills District kala long kum ka riew ai jinghikai ha kane ka sngi. Ka la batai bniah halor ki bynta pdeng jong ka POCSO Act, kaba kynthup ïa ka jingdonkam ban pyntip ïa ki jingjia bymman, ban sumar na ka jingknieh bor bad ka bynta jong ki skul, ki nonghikai bad ki kmie ki kpa ha kaba thaw ïa ka jingïada kaba janai na ka bynta ki khynnah.
Ka la kyntu ruh ïa ki khynnah skul ba kin ïeng pyrshah ïa kino kino ki jait jingshah leh be-aiñ bad ka la pynpaw ruh ïa ka jingdon jong ki lad ai jingshakri khlem siew pisa lyngba ka DLSA.
Ka prokram kala kut da ka jingïakren phylliew jingmut bad ki khynnah skul, kiba la ai jingkylli bad ban ïashim bynta da kaba pynpaw ïa ki jingmut jingpyrkhat jong ki. Kane ka jinghikai kala pynlong ïa ki khynnah ba kin kham sngewthuh bniah halor ka POCSO Act.
