Ka Khasi Students’ Union KSU (KSU) East Jaiñtia Hills District Unit mynta ka sngi ka 1 tarik u bnai Nailur 2025 ka la leit ban ïa kynduh ïa u DC ka EJHD ban buh ka jingthoh ban pyrshah ïa ka jingthmu ban pynlong ïa ka jingpynsngew paidbah ne ka Public Hearing ba la pynbna da ka MSPCB.
Kane ka hearing ka dei jong ka Meghalaya Topcem Cement Limited, Thangskai ka ban long mynta u bnai Nailur ha ka 5 tarik.
Na ka liang ka KSU ka ong ki lum ki la syllen, ki wahduid ba sngur ki la tyrkhong, ka lyer ka la kylla bih, ka jingshit kyrang ka la nangkiew bad ka kordit ïa ka thaiñ Narpuh.
Shuh shuh ka KSU ka ong shaei ki khlaw ba rbren, ki jingpah ki sim kaei ka ban sa jia ïa ka pateng ban wan.
Sa katno tylli kita ki hearing pynjot mariang kaba ki trai shnong ki ailad ka seng ka ong ba ka pang ruh ka mynsiem ban kynmaw ïa kato ka hearing ba la dep ha kane ka juh ka company kaba ki pulit ki shoh ki bom khlem jingisynei ïa ki Kynthei khynnah.
Shuh shuh ka KSU ka ong hato kine ki paradoh para snam ba ai jingkyrshan kim kynmaw mo ïa kato kaba la dep jia shah bom shah tied bad ban long ki mraw ha la ka ri?
