Ka All Meghalaya Tourist Taxsi Association (AMTTA) hynne ka sngi ka 3 tarik Nailur 2025 ka la pynbna ban khanglad ïa ki kali tourist kiba wan na shabar ka jylla ban rung sha ki jaka jngohkai pyrthei jong ka jylla Meghalaya.
Haba kren sha ki lad pathai khubor u President All Meghalaya Tourist Taxi Association (AMTTA) u Recaldinus Dohling u la pyntip ba ka kynhun ka la pynbna ba naduh 16 tarik, Nailur 2025 naduh ka por 5:00 baje mynstep kan khang ia ki kali Tourist kiba wan na shabar ban rung sha ki jaka jngohkai pyrthei ha kylleng ki jaka jngohkai kiba don ha jylla Meghalaya.
u la pynshai ba la shim ia katei ka rai namar ba ki taksi tourist kiba nabar ki la ju ktah bha ia ka kamai kajih jong ki nongniah taksi jngohkai pyrthei trai shnong hapoh Meghalaya.
U la pynthikna ba kane ka jingkhang kan ym wanrah jingeh ïa ki nongjngohkai pyrthei, namar ba ka AMTTA kan pynbeit ïa ki taksi jngohkai pyrthei kiba biang ban kit ïa ki nongjngohkai pyrthei sha ki jaka jngohkai pyrthei bapher bapher ha kylleng ka jylla.
