U Superintendent of Police ka East khasi Hills u Bah Vivek Syiem, ha ka 5 tarik Nailar 2025 haba kren sha ki lad pathai khubor, u la pyntip ba ha ka por 2:30 nohphai sngi, ki la don 3 tylli ki kali ba pynïeng mar pyrshah hakhmat Secretariat ha ryngkat bad ka jingtah ia ki ïit ïong.
Hadien kane ki pulit ki la leit ban talasi bad lap ba ki don kumba 13 ngut ba kynthup ia 12 ngut ki nongbud ba phong jaiñ ïong bad ia u trai jong kine la tip kyrteng kum u Mebanshai Snaitang, bad ki pulit ki la kurup noh ia san tylli ki Nitro Air Gun, ki tactical vest bad ki walkie talkie, bad ki la kem noh ïa u trai bad rah noh ia ki lai tylli ki kali kiba kynthup naduh ka Audi, ka Innova bad ka Scorpio kaba don ia u no ML05AF 0309 sha Thanad Sardar Police Station.
Na ka liang u SP u la pyntip ba la register case bad pynlong ia ka jingtohkit ban lap shuh shuh ia ka daw ia kine baroh 13 ngut halor ka jingrah ia kine ki tiar sha ki jaka paidbah bad ka jingbuh siren ha kawei ne kine ki kali ba la kurup da ki Pulit.
