Ka Hynniewtrep Integrated Territorial Organisation (HITO), Jaintia Hills, ha ka jingiadonlang ki nongialam ka CEC naduh u Working President Lawyerson War bad u General Secretary WN Dkhar, Burom Dkhar dkhot CEC bad kiwei de ki dkhot HITO, kila hiar sha Khliehriat haka 5 tarik September 2025, ban kynra iaki trading licence haki dukan ki bar jylla.
Ha kane ka jingkynra la lap bun bun naki dukan bar Jylla kila don iaki Trading License bad lait tang katto katne tylli ki bym don Trading License bad naka liang ka seng kala khang noh shi syndon iaki dukan bym don Trading License bad ha kaba iadei bad ki Labour License bun naki nongtrei ki kharkhana ki dukan kim don iaki Labour License bad ka seng kala ai por iaki trai dukan 15 sngi ba kin pynbiang ia Labour License bad kumjuh ruh ia ki dukan ki bym don Trading License.
Shuh shuh ka seng kala kyntu ruh iaka Jaintia Hills Autonomous District Council (JHADC), ba kam dei shuh ban ai Trading License haki kino kino ki kam ba ki trai ri trai muluk ki lah ban leh hi namar kumba ka long ha ki snem bala dep ba ka JHADC kala shu ai pathar iaki trading licence sha ki bar jylla.
