Ha ka 21.05.2025 u Raja bad ka Sonam kiba dei shijur na Indore ki la wan kai sha Sohra hadien ba ki la pyndep ia ka jingshongkurim ka jong ki. Ha ka 26.5.2025 ki la jah na Sohra bad ki Pulit ka kynhun ki la pynlong ia ka jingwad ia ki bad hadien ki la lap ia ka metiap u Raja Raghuvanshi na shiteng riat jong ka Parking lot Weisawdong Sohra.
Hadien ka jinglap ia ka metiap u Raja Raghuvanshi ki Pulit ki la thaw ia ka kynhun Special Investigation Team (SIT) ba la khlieh da u SP City Herbert Kharkongor bad ki la pynlong ban wad sa ia ka lok u Raja Raghuvanshi ka Sonam Raghuvanshi, hadien ka jingpynlong ia ka jingwad ki Pulit ka kynhun SIT ki la lap ia ka Sonam ba ka don sha Uttar Pradesh bad ki Pulit ki la kem noh ia ka Sonam Raghuvanshi bad hadien ka jingphla jong ka Sonam, ki Pulit ka Indore ki la kem sa ia u Raj Khuswaha uba dei u Samla jong ka kiba la ai nong ban pyniap ia u Raja Raghuvanshi ha Sohra.
Hadien kane ki Pulit ka Uttar Pradesh bad Indore ki la kem noh ia ka Sonam Raghuvanshi, Raj Khushwaha, Aakaash Sing Rajput, Anand Kurmi bad u Vishal Sing Chaughan.
Hadien ba ki Pulit ki la wan ialam ia kine ki 5 ngut bad ki la pynlong ia ka jingtohkit bad lap sa 3ngut kata u Lokendra Tomar, Balla Ahirwar, bad u Silom James halor ka jingkynnoh ba ki buhrieh ia ki sakhi satar halor ka jingkhlad u Raja Raghuvanshi.
Ki Pulit ki la charge sheet haduh 790 Page ia kine ki 5 ngut kiba donkti ban pyniap ia u Raja Raghuvanshi.
Ki Pulit ki la pynngat ia ka
1- Sonam Raghuvanshi(A-1) ha ka section 103(1) /238(a)/61(2) Bharatiya Nyaya Sanhita 2023.
2- Raj Singh Khuswaha(A-2) 103(1) /238(a) /61(2)Bharatiya Nyaya Sanhita 2023.
3- Vishal Sing Chaughan (A-3)103(1) /238(a) /61(2) Bharatiya Nyaya Sanhita 2023.
4- Aakash Sing Rajput (A-4) 103(1) /238(a)/61(2) Bharatiya Nyaya Sanhita 2023.
5- Aanand Kurmi (A-5) 103(1) /238(a) /61(2) Bharatiya Nyaya Sanhita 2023 .
Ki Pulit kin sa charge sheet sa ia 3ngut hadien ynda la ioh pdiang ia ka Forensic Reports.
Kane ka long ka kyrwoh na u Superintendent of Police East Khasi Hills.
