Ka District Mental Health, East Khasi Hills Shillong, ha ryngkat bad ka jingiatreilang bad ka MINHANS bad ki samla pule ka NEIGRIHMS hynne ka sngi ka 10 tarik Nailur 2025, ka la pynlong ia ka jingiaid paidbah kaba la tip kum ka Observation of Words Suicide prevention Day, ban pynphariang ia ka khubor sha ki paidbah ban kiar na ka jingshim ia la ka jingim.
Ka jingiaid paidbah ka la sdang na Phyllaw ka MINHANS iaid lyngba ka Polo bad Lawmali bad pynkut ha phyllaw ka Ganesh Das Hospital.
Haba kren ha kane ka sngi na ka liang u Dr. B. Sohklet u la pyntip man la u snem kumba 7,40,000, kiba shim ia ka jingim ha man la ka 43 second bad u la ong ha ba ngi iohi ia ki briew kiba thmu ban shim ia ka jingim, ngi dei ban iarap ia ki bad ai jingsumar katkum ka lynti jong ka aiñ.
Ki nongkren kiba la shim bynta ki khynthup ia ka Dr. Deity Nongrum, District Nodal officer, u Dr. Trustman E Basaiawmoit Psychiatrist lem bad u Dr. P. Kharnarry Additional Superintendent MINHANS, ha ka jing shim bynta lang ki samla pule ka NEIGRIHMS hospital lem bad ki Staff ka MINHANS.
