Ka Adventurous Hynniewtrep Off Roaders (AHOR) ha ryngkat ka jingiasnohkti lang bad ka tnad kam jngohkai ka jylla, hynne ka sngi ka 10 tarik Nailur 2025 ka la wan pyntip paidbah sha ki lad pathai khubor halor ka jingthmu ban pynlong biang ia ka off Road Challenges 2025.
Haba kren sha ki lad pathai khubor u Bah Ferdinand Jahrin, General Secretary ka Club AHOR u la pyntip ba kane ka dei ka sien kaba 7 ban pynlong ia kane ka Off Road Challenges 2025 ka ban sdang naduh 23-25 October ha Mawlyndep, Ri Bhoi District.
Kumta na ka liang ka Club ka khot ka wer ia baroh ki paidbah kiba ieid ia ka sports ba kin wan iashim bynta sha kane ka jingialehkai.
Nalor kata u la pyntip ruh ba kin don kiba wan iashim bynta na ki thaiñ North East bad na kiwei ki jylla kum ka Kerala bad kiwei kiwei de.
