Ïa kane ka program la pynlong da ka District Mental Health Programme (DMHP), East Jaiñtia Hills District, ha kane ka program la wan ban ïa shim bynta da ka District Malaria Officer, EJHD, Dr C.S Bareh, Medical & Health Officer in Charge, Opioid Substitution Therapy (OST) Centre, Khliehriat, Dr. J. Nongtdu, Additional Public Prosecutor (Panel Lawyer), District Legal Services Authority (DLSA), East Jaintia Hills District, Smti. Melody War, District Programme Manager (DPM), National Health Mission (NHM), East Jaintia Hills District, Shri A. Dhar, District Mental Health Programme (DMHP) Psychiatric Social Worker, Civil Hospital, Khliehriat, Smti. Thaiwan Kyndiah, kiwei kiwei de ki officials na ka office jong ka District Medical & Health Officer, East Jaintia Hills District, nonghikai bad ki khynnah skul.
Ha kane ka program la ïakren shaphang ki jingeh kiba lah ban wanrah shaduh u pud ban suicide lane pynïap hi da lade, ka daw kaba lah ruh ban dei na ka bor pyrkhat jong u briew, ki dak ki shin jong ka jingtlot ne ka jingpang ha ka jingmut jingpyrkhat ka daw kaba lah ban pynlong ïa ki nongdih droks haduh ban kin da pynïap hi dalade ka lad ban ai jingïada bad ki aiñ ban ïada ïa kine kiba don ïa kane ka jingpang ha ka bor pyrkhat.
Ha kane ka program la ïoh ruh ban ïa syllok bad ki khynnah samla bad khynnah skul ban kyntu ïa ki ba ki hap ban ïathuh ïa ki jingeh jingshitom ki jong ki sha kiba kham heh lane ki riew rangbah khang ba kane ka jing ïathuh ka jong ki ka lah ruh ban pynjai jai jai ïa ki ha ka rukom pyrkhat ka jong ki bad ïathuh ruh ha kita ki riew rangbah ba ka jingpang ha ka bor pyrkhat ka don ruh ka lad ban ai jingsumar lyngba ka Psychiatric Care bad Medication Counselling kiba ki lah ban ïoh lyngba ka District Mental Health Programme (DMHP).
U Dr J Nongtdu u la pynsngew ruh ïa ki daw kiba bun kiba ki nongdih droks ki lah ban pynïap hi da lade kine ki kynthup ïa ka jingktah ha ka mynsiem, shah shet kylla ha ka kam jingïadei samla ne shongkha bad ka withdrawal symptoms kaba dei ruh kawei na ki daw kaba lah ban pynbor ïa ki nongdih droks ban shim ïa la ka jong ka jingim.
