Ka NSS Cell jong ka NEHU, ka Dean Student Welfare NEHU bad ka NSS Unit jong ka Shillong College mynta ka sngi kila pynlong ia ka prokram ban pynkup burom ia ki khynnah kynthei ha ka shnong Marbisu, East Khasi Hills ka shnong kaba la kam kynti da ka NSS Unit jong ka Shillong Law College kum shi bynta na ka jingrakhe ia ka National Girl Child Day kaba la rakhe ha kylleng ki bynta jong ka ri India.
Ha kane ka prokram la ioh ka jingpynkup burom ia ki khynnah skul kynthei ha ki liang bapher bapher. Ha kaba iadei bad ka Arts la pynkup burom ia ka Lalrinmawii Janai Lating, ha ka liang jong sports ia ka Saphira Sun, ka Ibanylla Kurbah, ka Neha Sun, ka Anju Lulin, ka Wanrikynti Kurbah bad ka Nishanri Warkhyllew. Ha ka liang ka Social work pat ia ka Itaris Kurbah.
Ha kane ka prokram la wan ban sakhi lang da u ma S. Laloo uba dei u Chairman jong ka Synjuk ki Rangbah Shnong, u bah Starsing Kurbah, u Sordar ka Hima Marbisu, u bah F. Rumnong ba dei u State NSS Officer, u Dr. R. Nongkhlaw, DSW, NEHU, Dr. D. Nongkynrih Programme Coordinator, NSS Cell NEHU, i D. Mawlong Programme Officer, Shillong Law College bad kiwei de ki shah khot sngewbha.