Ka lympung ïalehkai phutbol jong ka kyrdan 1st Division League 2025 bala pynïaid da ka East Jaiñtia Hills District Football Association (EJHDFA) kaba la long mynta ka sngi 15 tarik Nailur ha madan Artificial Diengshynrum, Khliehriat.
Haba phai sha ka jingïakhun kaba nyngkong ka Musniang SC kala jop da 1-0 kol ïa ka Bataw YWSC, ïa katei ka shikol na ka Musniang SC la thep da u Mardiphone Rymbai ha ka minit ba 24.
Katba ha ka jingïakhun kaba ar ka Jalyiah United SC kala jop da 2-1 kol ïa ka Pamrakmai SCSC, ïa kitei ki ar kol na ka Jalyiah United SC la thep da u Walking Phawa ha ka minit ba 42 bad u Justme Dkhar ha ka minit ba 58. Ïa ka kol na ka Pamrakmai SCSC la thep da u Yesborn Ksih ha ka minit ba 54.
La pyntip ba ka jingïakhun kan bteng lashai ka sngi 16 tarik u Nailur ha ki ar tylli ki jingïakhun.
