Kum ka jingbteng biang ia ka Jingpynbna Paidbah ba Ia dep pynmih da ka ophis jong i Sub-Divisional Officer (C), Pynursla Civil Sub-Division, ha ka 29 tarik u Nailar, 2025, da kane la pyntip kyllum sha baroh ki paidbah nongleit nongwan ba yn sa bteng biang ia ka jingkhang ha shi lynter jong ka surok hapdeng ka Laitlyngkot bad Lyngkyrdem (Chainage Kms 24+00 — 37+00) ka ban long katkum kajuh ka por ba Ia kdew harum:-
Mynsngi : 11:30 Mynstep — 04:00 Janmiet bad Mynmiet naduh ka por 09:00 Mynmiet — 04:00 Mynstep.
la katei ka jingpynbeit halor ka jingkhang kan long kaba shipor bad kaba manla ka sngi, kaban treikam naduh lashai ka sngi, ka 16 tarik u Nailur, 2025 haduh ka 30 tarik u Nailur, 2025. Ka jingpynbna kaba bud yn sa pyntip hadien ynda la ioh ia ka jingpeitbniah biang, ha kaba ka por khang yn sa pynkylla shuh shuh lada dawa ka kam.
Tang haduh ka por 11:30 Mynstep, yn sa ailad ia ki kali ban jam na ki jaka sdang, kata napoh Lyngkyrdem & Laitlyngkot, bad hadien kane naduh ka por 12:00 Shiteng Sngi, ka kompani kan sa sdang noh ia ka jingpyntrei ia ka kam shna surok.
La kyntu jur shuh shuh ia ki nongleit nongwan ba kin long kiba husiar haba ki iaid lyngba kane ka bynta jong ka surok bad ba kin kiar na ka leit ka wan kaba ym da donkam than ha ka por bajur u slap ne hadien ka jingjur slap bad kumjuh ruhh ha ka por mynmiet.
Yn sa ailad tang ia ki kali kit nongpang ha kitei ki por khang bad ki lah ban pyntip lypa sha une u Phone Number. : 690 921 7154 jong ka Pynursla Police Station na ka bynta kano kano ka jingdonkam ban pyntip ia ka kompani shna surok.
