Ka Jaiñtia Students’ Movement (JSM) lyngba ka Education Cell Central Body kum ka dak ban pynshlur ïa ki samla pule ka thaiñ jong ka Ri-Lum Jaiñtia kan pynlong daka 7th Academic Excellence Awards 2025 ka ban long ha ka 20 tarik mynta u bnai ha District Library Auditorium Mynthong, Jowai.
La pyntip baroh ki samla pule kiba la poi bha shakhmat ban ïoh ïa kane ka khusnam kila don haduh 196 ngut, kata haka kyrdan SSLC, HSSLC, Graduation bad PhD. Ïa ka jingïalang yn sdang naduh ka por 10 baje mynstep.
Na ka liang u Jagpal Singh Dhanoa, IPS uba long u SP ka West Jaiñtia Hills un long kum u kongsan, ha ka jingdonlang u SP ka East Jaiñtia Hills District nalor ki nongïalam ba ha khmat ka seng bad kiwei de, la pynkut ka kyrwoh na ka seng.
