Ka National People’s Party (NPP) ha ka 16 tarik Nailur 2025 ka la plie paidbah ia u mot dur u (L) Purno A Sangma uba la pynieng ha khmat ka ophis thymmai jong ka party ha Bivar Road Polo.
Ia u Mot dur la plie paidbah da u Myntri Rangbah ka Jylla u Conrad K Sangma uba dei ruh u National President ha ka jingiadon ryngkat lang u National Vice President Bah Sniawbhalang Dhar u State President Bah Prestone Tynsong, ki MLA ka Party bad ki nongkitkam jong ka Party.
Ha kane ka sngi ka la don ruh ka jingpdiang burom ia u MP barim ka Manipur u Lorho S Pfoze ha ryngkat ka jingsakhi lang ki MLA na ka Jylla Manipur.
