Ki dkhot jong ka Meghalaya State Commission for Protection of Child Rights (MSCPCR), hadien ka jingioh khubor halor ka jingkhlad bym dei por jong kawei ka khynnah ba dang 4 (saw) snem na Nongrah, East Khasi Hills, kila leit mih mar mar sha kiba haïing jong ka khynnah rit kaba la duh ei la ka jingim ban ia sngewlem halor kane ka jingjia.
Ka MSCPCR ka buh ka jingbthah ia ka tnad Police bad kiwei ki ki tnad tohkit ba kin pynlong ia ka jingtohkit kaba kloi bad kaba janai bha khnang ban ioh lap dien ia kino kino kiba donkti halor kane ka jingiap jong kane ka thei rit.
Ka Commission kala khang ruh ia ki ‘riew paidbah ban pynsaphriang ia ka dur jong itei i thei rit, namar ka long pyrshah ia ka aiñ katkum ka Juvenile Justice Act (JJA) bad kaba lah ban pynshitom ia kiba leh pyrshah da kaba shah set phatok.
Kumjuh ka MSCPCR ka dawa ba ym dei tang ban pynlong ia ka jingtohkit kaba bniah lane ban pynioh ia ka hok jong itei i khynnah hynrei ka sorkar ka dei ruh ban pynioh ki lad jingiarap sha kiba ha ïing hasem jong kane ka khynnah kiba la mat ia ka jingsngewsih kthang kaba jur.
