U Lat ka Jylla u CH Vijayashankar mynta ka sngi ka 16 tarik Nailur 2025 u la pyntian smai ia ki myntri ba thymmai jong ka sorkar jylla kiba don ha ka sorkar MDA-ll.
Ki myntri thymmai ba la shah pyntian smai ki kynthup ia u Bah Southenes Sohtun MLA ka NPP na Jirang , u Bah Methodius Dkhar MLA ka HSPDP na Mawshyrnut, U Bah Metbah Lyngdoh MLA UDP na Mairang, u Bah Sanbor Shullai MLA BJP Na South Shillong, U Bah Weiladmiki Shylla MLA NPP na Jowai, u Timothy D Shira, MLA NPP na Resulbelpara, Brening A Sangma MLA NPP na Dalu, Bah Lakhmen Rymbui MLA UDP na Amlarem.
Ha kane ka sngi ba pyntian smai la ia don ryngkat lang u Myntri Rangbah ka Jylla u Conrad K Sangma, u Symbud Myntri Rangbah u Bah Prestone Tynsong bad Ma Sniawbhalang Dhar kiba dei ki Symbud Myntri Rangbah ki MLA bad ki Ophisar jong ka Sorkar jylla.
Ia kine ki myntri thymmai yn sa bate kam da u Myntri Rangbah ka jylla u Conrad K Sangma hapoh kine ki khyndiat sngi.
Kum ban shu pynkynmaw ki myntri kiba rim kiba la shah weng ki kynthup ia ka Dr Mazel Ampareen Lyngdoh, Bah Paul Lyngdoh, U AT Mondal, Rakkam A Sangma, Shakliar Warjri, Kyrmen Shylla, Comingone Ymbon bad u Bah AL HeK.
