Ka Hynniewtrep Integrated Territorial Organization (HITO) Sengkmie mynta ka sngi ka 25.01.2022 kala pynskhem ia kawei ka shnat treikam thymmai ka ba la tip kum ka Thadlaskein Area na ka bynta ka samoi 2022-2024.
Ha kane ka sngi la don lang ki nongkitkam ka Sengkmie naduh u President rangbah u bah Donbok Dkhar, General Secretary u bah Wanbun N. Dkhar, u Legal Secretary u bah Shaniah S. Nongrum, u Finance Secretary u bah Pherbak Kharnaior, u Disceplinary Secretary u James Nongpyiur, u Lawyerson War incharge ka Jaintia, u Barrister Shylla Finance Secretary ka Jaintia, u Pynbiang Rymbai, Pynhun Chullet President Saphai Area bad kiwei kiwei. Ha kane ka sngi la ioh jingkren na baroh ki nongkitkam ka Sengkmie kiba iadon lang bad la ioh ruh iaka jingpynshai ia ka nongrim treikam jong ka seng na u President rangbah ka seng bad ruh la batai bniah shaphang ka Dulir IOA.
