Kum ka dak ka jingsngewlem halor ka jingjia ia i hepbrit Insaphira Lyngdoh Mawnai, ki nongdie madan kiba shong die madan hynnin ka sngi ka 16 tarik Nailur 2025 ki la pynlong ia ka jingthang mombati hadien jong ka Assembly ha Khyndailad Police Bazar.
Ha kane ka jingthang mombati ki paidbah ki nongdie madan ki la iasnohkti lang na ka bynta ka jingsngewlem halor ka jingjia ia i hepbrit Insaphira Lyngdoh Mawnai ha Nongrah.
Haba kren sha ki lad pathai khubor na ka liang u Kitboklang Nongsiej seng jong ki nongdie madan u la ong ba kum ki nongdie madan ki pynpaw ia ka jingsngewlem halor ka jingkhlad noh i hepbrit Insaphira lyngdoh Mawnai ha kaba ki briew ki bym shym la ithuh ki la shim ia ka jingim jong i ,bad kum ki nongdie madan ki pyrshah jur bad pynrem jur halor ka jingshim ia ka jingim jong ine i hepbrit Insaphira Lyngdoh Mawnai.
Kumta ka seng ki nongdie madan ka kyrpad jur ia ka sorkar bad ki bor ba dei peit ia ka aiñ ba kin shimkhia mardor halor kane ka jingjia ia i hepbrit Insaphira Lyngdoh Mawnai kumba ki shimkhia ia ka jingjia jong ka Sonam bad Raja Raghuvanshi.
