Ka President jong ka Meghalaya Pradesh Mahila Congress (MPMC) ka Kong Joplyn Shylla hynne ka sngi ka 17 tarik Nailur 2025 haba kren sha ki lad pathai khubor halor ka jingkylliang Myntri ka sorkar MDA -2 ha kaba ki longkmie ki la shah kyntait ban don ha ka shuki Myntri. Ka la ong ba kum ka longkmie ki sngewduh mynsiem, namar ki kham sngewthuh khambha khamtam haba iadei bad ka jingeh, lada don kino kino ki jingeh kiba ki kynthei ki iakynduh ki shem jingeh ban leit iathuh ha ki shynrang, bad lada don da ki myntri kynthei ki long kylluid ban iathuh lut lada iakynduh jingeh ki kynthei.
Haba iadei bad ka jingkylli halor ka jingtreikam ka Dr Ampareen Lyngdoh kum ka Myntri, ka kong Joplyn Shylla ka la pyntip ba ia kata kam lah ban ong eiei halor ka jinglah ban treikam ka Dr Ampareen kum ka Myntri, bad ka shong beit ha ki paidbah ban rai la i bit na ym bit ban treikam kum ka Myntri bad kum ka kynthei.
Na ka liang u Secretary Ka Meghalaya Pradesh Congress Committee u Bah Manuel Badwar u la pynpaw ha ka kynhun myntri ne ha ka imlang sahlang bad lada ha ka kynhun myntri lada ym don kynthei kan wanrah jingeh, namar ha ka society, ka kynthei ka long hakhmat duh bad lada ym don ka kynthei ha ka kynhun myntri kan nym khlaiñ shuh bad da long kumno kumno ruh ka kynthei ka dei ban don ha ka kynhun myntri.
Shuh shuh u la pynpaw ha kane ka kynhun myntri thymmai mynta ki ba bun hi ki dei ki heh saipan bad ki don ki briew na shadien, kiba pynpait ia ka imlang ka sahlang bad ka BJP kam lah ban shah namar ba dang bun ki khristan bad lehse ioh ka donkti nadien ban ai bor shuh shuh bad ban pynpait ia ka jylla.
Nalor kata u la ong haba iadei bad ka ioh ka kot lehse lada ka long kumba long mynta ha kane ka kynhun myntri ka lah ba nym poi shuh ki paidbah, bad kan poi sha kito kiba la seng ia kane ka kynhun bad la tip kum ka Cartel, bad kato ka Cartel ka dei beit tang ban shna pisa , bad ban khraw ka spah ka phew ka ïing lajong, ki Minister bad ka ïing ka sem jong i kan dang khraw shuh shuh, lada ka long kumta ka Spah ka phew kan nym hiar sha ki paidbah.
Lada duna ka ioh ka kot ki kam sniew lai phew jait kin dang mih bad kane ka dei kaei kaei ba ka Congress kam poi pyrkhat ba ka kynhun Myntri kan kylla kumne bad kum ka Congress kam don Minister kam don ei ei hynrei ka don ka jingbakla ha ka jingwanrah ia kane ka kynhun Myntri thymmai la ong u Bah Manuel Badwar.
