U Superintendent of Police jong ka East Khasi Hills Disctrict u Bah Vivek Syiem hynne ka sngi haba kren bad ki Nongthoh khubor, halor ka jingjia ia i Heprit Insaphira Lyngdoh Mawnai u la ong ba ha kaba ia dei bad ka jingkhlad jong i Insaphira Lyngdoh Mawnai u la pyntip ba dei u Hepbrit ba 13 snem ba ialam ia i Insaphira Lyngdoh Mawnai sha ka ïing ba dang shna bad katkum ka Post Mortem Report la iathuh ba i Insaphira Lyngdoh Mawnai i la ngam jyllop.
Ha ka step jong ka 15 tarik Nailur 2025 la lap ba u nongtrei u la iohi ia ka met jong ine i khyllung bad ia ka met la rah sha NRIGHRIMs bad hadien la aiti sha ki ba ha iing.
Ka tnat pulit SIT ka la register case halor ka jingkhlad i hepbrit Insaphira Lyngdoh Mawnai.
Hadien lai sngi ba la ïoh ia ka met, ka SIT ka la ïoh ban tohkit ia u khynnah ba 13 snem uba dei u ba sah marjan bad uba shit wan kai sha ïing ka kane ka hebpbrit Insaphira.
Une u khynnah u la iathuh ba u la ialam ia i khynnah lyngba ka kynroh bad u la ialam ia i sha kato ka jaka namar ki kjat ki la bit ktieh u la sait ia ki. U la iathuh ba u la hap bad u ha kato ka sngi ka um la dap bad u don ka dak mong ha ka kjat jong u.
U la buh da u maw ha ka met jong ka bad leit sha iing hadien u la leit sha iing kane ka khynnah katba kiba ha iing ki la wad ia ka.
U la iathuh ba u la shu thaw halor ka kali Bolero iong. Ka post mortem report ka ong ba dei ba ngam jyllop kam don dak mong, ka jingiap ka jia ha kato ka jaka bad mynta ki la phah sha Juvenile home bad la leh ia ka medical test.
U la iathuh ba une u khynnah u khlem iathuh iano iano ruh haba ia dei bad kane ka jingjia ia i Insaphira Lyngdoh Mawnai
Na ka liang u SP ka East Khasi Hills u la pyntip ba yn dang tohkit shuh shuh haba iadei bad kane ka jingkhlad i Hepbrit Insaphira Lyngdoh Mawnai.
