U Symbud Myntri Rangbah ka sorkar jylla u ma Sniawbhalang Dhar mynta ka sngi 18 tarik u Nailur ula ai ïa ka Work Order kaba 15 lak tyngka sha ka Dorbar Shnong, Saphai West Jaiñtia Hills District.
La wan ban donlang ha kane ka sngi naduh u Rangbah Shnong ka Saphai ma Valentine Gino Synnah, ki dkhot nongïalam ka shnong ha ryngkat ka jingïadon lang ki riew rangbah naduh u ma Nehemayah Tyngkan, u Remdor Lyngdoh nalor kiwei de.
Halor kane ka jingpynïoh Work Order naka liang ka Dorbar Shnong Saphai ka pynpaw ka jingsngewnguh bad ai khublei kyrpang ïa u Symbud Myntri Rangbah uba la don jingthmu ban pynbha pynmiat ïaka Dorbar Community Hall jong ka shnong.
Haka juh ka por ka Dorbar Shnong ka kitbok kitwiang ïa u MLA ba un lah shuh shuh ban trei naka bynta ka jaitbynriew bad ïaka jylla hi baroh kawei, la pynkut ka kyrwoh na u Assistant Waheh Shnong Saphai ma Ribok Biam.
