ka Jaintia Student Union (JSU) Narpuh Circle hynne ka sngi ka 19 tarik Nailur 2025 ka la leit ban ai da ka jingthoh ha u Deputy Commissioner (DC) East Jaintia Hills District u Shivansh Awasthi IAS, haba iadei bad artylli ki jingkieng kiba don ha Sonapur (Sonapyrdi) kawei ha Sonapur (Sonapyrdi) Wah Lukha Bridge bad kaba ar ka dei ka Umpasu bridge.
Na ka liang u President ka JSU Narpuh Circle u F Lamare u la ong ka jingwan ai jingthoh ha u Deputy Commissioner ka dei hadien ba kine ki artylli ki jingkieng ki la sdang ban jot bad pra bad Khamtam ka jingkieng Wah Lukha kala sdang ban don ha ka (sensitive zone) ioh ba ka kdiah namar ki kali baheh ki kit overload katba mon khlem don kano kano ka jingmana na ki bor pyniaid District Administration.
Ka JSU-Narpuh Circle ka la buh ka jingkyrpad ha khmat u DC ka East Jaintia District, ban phah shna bad leit inspect ia kine ki jingkieng khnang ban iada (Preventive measures) bad ban pynkhlaiñ shuh shuh khnang ban nym shah ktah ka leit ka wan ki paidbah. lada kine ki jingkieng khamtam ka Wah Lukha Bridge lada shu ieh shrieh kumne kan sa poi ka por ba kane ka jingkieng kan sa kdiah bad kan sa ktah ia ka leit ka wan ki paidbah naduh kiba leit trei leit ktah leit shim dawai, ki khynnah skul bad ka khaï ka pateng.
Na ka liang u DC u la kular u ban shimkhia ban leh ia kaba donkam na ka bynta kine ki jingkieng.
Ka Seng ka la la ai copy ruh sha ki department bapher bapher khnang ba kin ioh ban leh ia kaba donkam:
1).The Regional Officer National Highways Authority of India, Guwahati, Assam
2).The Chief Engineer, Public Works Department (Roads) Government of Meghalaya Shillong
3).The Executive Engineer, Public Works Department NEC Division, Khliehriat , East Jaintia Hills District
4).The District Transport Officer, East Jaintia Hills District, Khliehriat.
