Ka NPP 2-Jowai Block ryngkat bad ki Unit bapher bapher jong ka 2. Jowai Constituency ka dap da ka jingkmen ka ba khraw na ka bynta ka jingshah jied jong u Ma Wailadmiki Shylla ban long kum uwei na ki Myntri Sorkar hapoh kane ka Sorkar MDA 2.
Ha kaba iadei bad kane Ka NPP 2-Jowai Block ka ai khublei sngewnguh ia u Chief Minister ba don burom ka Jylla u Conrad k Sangma bad ia ki arngut ki Deputy Chief Minister ka Jylla ki ba kynthup ia Ma Sniawbhalang Dhar bad Bah Prestone Tyngsong na ka bynta ka jing ibit jong ki ban jied ia u Ma Wailadmiki Shylla MLA ka 2-Jowai Constituency ban long kum u wei na ki Myntri Sorkar ba dang ha ka rta ba iar ka jingmut jingpyrkhat bad ban phai khmat sha ka khia ka shon jong ki nong shong Shnong ka 2 Jowai. Ym tang katta ruh ha ka ba ki nong shong Shnong jong ka Jowai constituency ki la thrang bad angnud naduh mynshwa ia u ma Wailadmiki ban long u myntri, hynrei ka constituency jong u ma Wailadmiki kam shym la duh jingkyrmen ka la buh ruh ha ka jingduwai ia u ma Wailadmiki ban poi sha kane ka bynta ban long u Myntri ka sorkar.
Ha kajuh ka por ka NPP 2-Jowai Block ka ai ruh ka jingkhublei kitbok kit rwiang ia u Ma Wailadmiki Shylla ba un lah ban trei bha ia ka kam kum u Myntri Sorkar na ka bynta ka jingbha bad jingbit jingbiang jong ka Constituency bad ia ka Jylla hi baroh kawei.
